工

終於肯寫搵工。

考完試，交完論文後，就開始每日返工，返之前當兼職的資料輸入。當然有一路搵長工。啱啱 數過，已經寄出二十多份求職信，其中只有2份唔係關於PR & Marketing。見過4 次工，次次見完都知道唔得，因為自己知道我可以表現得更好。可能因為第一次見長工，亦都可能因為我太耐冇講過野 :P

我更加懷疑寄出去的求職信中，佔好大部份，係應徵同一份工：英國保誠的marketing trainee，因為我已經收過4間唔同人事顧問公司的電話，叫我去見工。保險公司的marketing，我估人人都會覺得即係請保險agent，所以第1, 2 次我都推左。卒之第3次，因為太耐冇見過工，亦因為想知道佢地即係請乜野，就答應去見，雖然唔想佢請我。原來真係請marketing的人，亞人事部人仲話，係一份淨係響辦公室的工，唔會見客。呵呵，咁即時變得好想佢請我。不過，後來打過去人事顧問公司問過，佢應該連第二次面試都唔俾我。呵呵。但係即使係咁，前幾日都仲有另一間顧問公司打電話黎，話要安排我去保誠見工！

連續幾日都想寄多d求職信出去，不過太懶，都係聽日先。仲想用塔羅占下我的求職運，不過都係因為太懶，未做。