為情為愛

前幾日上司帶佢對孖女返公司。孖女未出世前人人都擔心，驚出唔到世或者身體有咩缺憾。而家見到兩個都精靈活潑，應該冇事，大個仲應該好靚女，眼大鼻高眼睫毛長下巴尖。

孖女仲未有名，於是一班同事就玩改名遊戲。其實最主要係老細上司同我玩。因為佢地個家姐叫慧菲，佢地都應該叫做慧Ｘ慧Ｙ。

老細係算命師（實際上佢係佛教徒，但我咁叫佢），覺得改名應該改到音意形都好，就會令小朋友一生順利，佢用的例子係毛澤東，江澤民，李登輝，同佢一個讀書好叻的親戚個名：慧心。一句講晒：最怕改壞名。

當然我冇呢Ｄ考慮，反正我都係講下。慧Ｘ慧Ｙ音同為X為Ｙ一樣，個名就好似預料孖女出生係為乜一樣。天生浪漫的我(嘩哈哈！！！)第一時間就話，不如叫慧情慧愛，直頭係小說人物咁。當然呢個建議係唔會俾事業心強的上司等人接受。

然後，就不斷亂講建議，例如為歡為樂，為堅為強（咁樣孖女一定唔會有胃痛！）等等。後我來再諗多個：為和為平，嘩簡直好似出生為左請求世人一樣。

人地的兒女，姓什名誰當然唔到我俾建議，我只係覺得改名係一個好玩的遊戲。如果我話得事，一定拎本亦舒小說照抄，自由自在，聰慧聰恕聰憩，嘩。