示範作

以一個組織活動的角度來看南韓示威者的反世貿易行動，真係無得頂。

日日都可以唔同Gimmick，日日個「相位」都唔同，跳海跳舞打鼓「拜苦路」鬧市集會，仲有當然唔少得的衝擊警方陣線。時間又就得記者，下午三四點，記者們你地遲左少少起身都冇問題架，一定可以影到最好最勁的相。可能銅鑼灣鬧市集會呢個就遲左少少啦，所以蘋果都只係得一幅相。係無線多d鏡頭, 仲可以訪問路人添。尋日衝擊警方, 衝完一次又休息一陣，我覺得真正的原因係俾d記者休息下咋，「今次影唔到，唔緊要，我地一陣間仲有!」 你估佢地第一次停左，有冇記者想叫佢地「 影唔到，可唔可以再黎一次」?

佢地今個世貿週所反映出黎的創意，夠我地公司食成年。可惜好多我地都抄唔到，唔通要跳海咁黎宣傳健康食品，或者衝擊警方陣線咁黎宣傳纖體中心咩。

佢地的示威遊行，引來報紙連日報導，仲引述專家分析，坊間討論，亦令我老媽知道富國對農民的補貼等等政策以及少部份關於世貿係咩黎。作為宣傳活動，真係超標完成。至於佢地係咪真係可以爭取到佢地想要的野，已經係後話。

因世貿會議而來的遊行，發展至而家，已經比會議本身重要。

香港的示威遊行冇人地咁有創意，因為有幾多人參加本身已經係新聞價值的全部。其實佢地的方法先係最有成本效率，如果你鐘意用呢個term，幾千人都可以做到有幾廿萬人的新聞效果。

不過香港的政治活動真係可以參考下, 雖然話政治野大部份報紙都一定到，而且都要有一定程度的正經，不過響每一個活動，其實都應該有d特別的相位俾人影下嘛。次次都係一班一人坐響到, 背後用幾張 A4紙貼個題目出黎，派一大堆數據，講者講野。咁，個報導編幅唔大嘛。

後現代

一 名 在 現 場 執 勤 「 老 差 骨 」 說 ： 「 以 前 越 南 船 民 營 暴 動 ， 防 暴 隊 搜 獲 唔 少 自 製 武 器 ， 南 韓 示 威 者 唔 算 太 危 險 。 」 他 認 為 ， 警 察 與 示 威 者 都 在 扮 演 自 己 的 角 色 ， 世 貿 會 議 一 日 未 完 ， 還 是 不 會 低 估 對 方 的 實 力 。

摘自《蘋果日報》

廣州出現換妻遊戲

廣州出現換妻遊戲

在做功課時找到的新聞。近乎是奇談的新聞。在香港這類的新聞會否只在風月版出現？

而且，廣州的記者真係好搏。

Rhetorical Pain: 發炮是需要時間滴

認為近來最誇乜張的網戰是這個：
Rhetorical Pain: 發炮是需要時間滴

(八十幾個水蛇春咁長的留言呀大佬)

行街又買野

Ok, 我認自己係爛Gag王。我想講嚴格黎講，我今日冇遊行，因為我一路行一路買野。兩罐汽水一個麥當勞包，最後仲要上理青文買左兩本書。

(途中我冇叫口號冇貼貼紙響身冇拎標語。因為響維園的時候台上叫的口號太搞笑，記得笑唔記得叫。貼紙呢就想完整咁保留佢作為紀念品。免費標語拎響手唔舒服，我又冇自備。)

行行下有人話見到「明哥」，我從佢的眼神中認為佢指黃耀明，就係咁望住佢望的方向。點知，竟然係見到陳方安生。本來見到陳太我都開心，但因為有個錯誤期望下，見到佢竟然有d失落添。點解d人見到佢冇叫口號叫佢參選呢？

其實我參加遊行的方式真係似一個嘉年華會，多個為左爭取咩政治目的而做的事。零三年我跟住牛棚d「音槳樂人」行，仲似。都冇打警察燒車破壞大公報咁。其實去遊行的人都好想要穩定繁榮經濟發展，而如果民主爭取民主係一定要自我犧牲(經濟、自由、人身安全等)，我諗大部份人都會，留俾長毛去做。

香港會唔會獨立呢，分裂出祖國呢？嘩，諗下我都覺得好笑。我都好想有CEPA同自由人遊客來港消費架喎。(如果，強調係如果，香港真係獨左立，d解放軍會唔會即刻就入黎解放香港呢？)

我總係無可避免咁對所有事都懷住矛盾而不統一的立場。即係，想點呢。

今次行街最大的收獲，係拎左本名為《綠皮書：香港特別行政區政制改革檢討》的書仔。驚喜位係，返到屋企先知道係由鄭宇碩寫架！！！(同另一個人合寫)

至於今日先買本《俗》，就已經睇完。哎呀，佢陪唔到我去廁所添。

好得閒的警務人員。

近日曾在不同的網站看見「告全港警務人員書」，並呼籲「請廣傳廣貼，一定要送到真正的警務人員手中」。

唔，到底大家係真係想做d野，做d有效果的野，定係想自我感覺良好呢？

大佬，篇野真係好長好悶喎，連我都冇睇到。可能好多人的心目中的警察都係唔怕悶同好得閒掛？覺得呢篇野真係會影響到佢地的行為啦。

好玩無聊link

中文發聲工具
http://www.kanhan.com/tdc/tools1.html

copy from La chambre 502
http://www.rm501.net/?p=164

當紅Van司機遇上綠Van

日前有幸遇上一輛由(我懷疑係)紅van司機駕駛的綠van。我覺得，一部新簇簇，設備齊全的綠Van，係會辜負紅van司機的一手好技術。

紅van司機先生的特點有好幾個，列舉如下：一、轉彎唔減速，刺激程序幾近男友的改裝車。二、直路不斷加速，我由葵芳返青衣，在天穚上有一大段直路，司機行80幾；但新車上總有時速計時器，一過80就係咁響，有型的紅van司機當然唔理，故路上一直響。三、當然係紅van司機的絕技：車未停定就開門，客未落晒車就關門開車，所以他幾乎冇時間係停車的，只有減速。

一手好車技如用在通宵車上，當然會令乘客感激，但如用在短程綠van，乘客基本上唔太趕的話，就只有落得某男乘客落車前冷冷的一句：「以為自己賽緊車咩」，以及我好想好想問出口的：「司機你係咪?開紅van架？」

想知多d紅van司機的技術，可參考:「香港公共小巴司機」 勁過麥拿倫車隊

眼訓+頭痛

自從星期六響廣州飲完酒，三點半訓，七點半起身之後，我就一直冇清醒過。日日都好似發緊夢咁樣。如果有人覺得我呢幾日睇落都好似好清醒，講野都好似好有邏輯，咁只不過係因為呢樣係我天生識扮野的本能。

跟住，我仲要做Presentation同埋personal log。嘩哈哈哈。今日我同左老細講，我黎緊呢兩個星期都唔返工。原本佢係想我返住工咁做工課。有人俾錢我做功課我都唔肯，我一定係傻左。

今日收到一個短訊，話今日真係凍左好多，叫我著多件衫。嘩其實收到都唔好話唔開心，之不過，如果係由我識的人寄過黎會開心d。我有一百分之一百肯定呢個人一定係寄錯左呢個短訊。:P 我真係衰，冇話到俾呢個人聽佢寄錯左。哈哈哈哈，就當真係我收啦。

Boyfriend 5.0 is an Entertainment Package, while Husband 1.0 is an Operating System

copy from http://www.xanga.com/the_declining

Dear Tech Support:

Last year I upgraded from Boyfriend 5.0 to Husband 1.0 and
noticed a distinct slow down in the overall performance - particularly in
the flower and jewelry applications, which operated flawlessly under Boyfriend
5.0.

In addition, Husband 1.0 uninstalled many other valuable programs,
such asRomance 9.5 and Personal Attention 6.5, and then installed
undesirable programs such as NFL 5.0 and NBA 3.0.

Conversation 8.0 no longer runs, and Housecleaning 2.6 simply
crashes the system. I've tried running Nagging 5.3 to fix these problems, to
no avail.

What can I do?

Signed,
Desperate
~~~~~~~~~~~~~~~~~~~~~~~~~~~~~
Dear Desperate:

First keep in mind, Boyfriend 5.0 is an Entertainment Package,
while Husband 1.0 is an Operating System.

Try to enter the command: C:/ I THOUGHT YOU LOVED ME to download
Tears 6.2, which should automatically install Guilt 3.0.

If that application works as designed, Husband 1.0 should then
automatically run the applications Jewelry 2.0 and Flowers 3.5.

But remember, overuse of the above application can cause Husband
1.0 to default to Grumpy Silence 2.5, Happy Hour 7.0, or Beer 6.1. Beer 6.1
is a very bad program that will create Snoring Loudly.

Whatever you do, DO NOT install Mother-in-law 1.0 or reinstall
another Boyfriend program. These are not supported applications and will
crash Husband 1.0.

In summary, Husband 1.0 is a great program, but it does have
limited memory and cannot learn new applications quickly.

You might consider buying additional software to improve memory
and performance. I personally recommend Hot Food 3.0 and Lingerie 7.7.

Good Luck,
Tech Support

廣州遊學團

一連三日的遊學團，經驗到，學到的野真係幾多。多過上一堂crtical thinking 同一堂world issue。

Miracle Moment

就是終於看見自己前兩日貼出的Blog文章出現

勇氣的表現

勇氣的表現

我睇幾次都覺得係真架。幾想過去問佢要雪糕食呀。

直至睇左個留言。

可以一死

You Passed 8th Grade Math

Congratulations, you got 9/10 correct!

Could You Pass 8th Grade Math?

好鬼準喎你都未話

The Keys to Your Heart

You are attracted to those who are unbridled, untrammeled, and free. In love, you feel the most alive when your lover is creative and never lets you feel bored. You'd like to your lover to think you are flexible and ready for anything! You would be forced to break up with someone who was emotional, moody, and difficult to please. Your ideal relationship is open. Both of you can talk about everything... no secrets. Your risk of cheating is zero. You care about society and morality. You would never break a commitment. You think of marriage as something that will confine you. You are afraid of marriage. In this moment, you think of love as something you thirst for. You'll do anything for love, but you won't fall for it easily.

What Are The Keys To Your Heart?

好想食

好想食譚魚頭，好想食打邊爐，好想食好多忙果。

正野

My blog is worth $0.00.
How much is your blog worth?

好好笑轉貼

http://missandhit.blogspot.com/2005/11/blog-post_02.html
呢個blog令我在未訓得著的夜晚笑左成分鐘，然後好滿足咁去訓。
我知，呢個轉貼的方法係好唔user-friendly。係，因為我唔識。

健康

尋日先小病一場，今日已經好返番晒。真係，從來未試過身體咁好。

同事話，佢就快唔做啦，因為要做手術。好驚，因為好驚佢有事。諗返覺得我介紹佢入呢間公司有d錯，搞到佢冇時間好好休息。祝願佢身體健康，手術成功，之後一直冇事。

尋日先真正領會到上司的忍耐力。佢幾個月之前有左，然後一直有傷風感冒。傷風感冒係會令人一直冇精神做野，我尋日返工都幾乎訓左成日。但係，響佢有左呢段期間，一直響公司都冇減少過任何工作，包括負責訓練新員工，訓練到晚上十二點幾一點。
結果，係一件唔開心的事。謹此祝福她，和她肚裡的兩個孩兒。

人衰行路打倒x

相機又壞，電話又壞，仲要病左添。
部電話先買左兩個幾月，但因為係人為破壞(跌落水for一秒)，所以冇保養，維修要$1680。哈哈，我部機買的時候都只不過係$980，又幾得意架喎。
未來，到底仲有咩打倒x的野要我遇到呢？

想買的書

書名：波係圓既
作者：伍晃榮
出版社：經濟日報出版社

雖然伍晃榮退休了好一段時日，但大家依然好懷念這一位，用幽默風趣手法來報導體育新聞的老牌新聞報導。
但他寫的回憶錄，是繼商台的李我回憶錄後，另一本很精彩的傳媒人回憶錄。由他對時下新聞報導員懶音的批評、他對電視新聞工作的點滴回憶，一些舊情舊事，以至他幽默風趣報導手法的起源(竟然是他在辦公室政治下，食死貓後苦中作樂的產物)，都有清楚而有趣的描述。對非傳媒人，由這本書可以看到伍晃榮的幽默功力並非虛傳，而是建基他的講故事(story telling)能力。
對在職的新聞人，大概可以看到，一個老牌記者，對專業要有的嚴謹要求。他得到觀眾愛戴，不是因為他在新聞講笑話，而是他對專業的一份執著。港幣六十八元，是沒有白花的。
(後話：比起黃興桂，伍晃榮是幽默，黃興桂那是廢話式惡搞，囧)

相關連結
維基語錄：伍晃榮( 竟然連維基都有伍晃榮呀!!!!!)
http://zh.wikipedia.org/wiki/伍晃榮

以上書評 copy from: http://www.martinoeihome.net/blog/?p=3

另外一本想買的書就係華叔個本新書。
青文唔知有冇入，有就買啦，當幫下老闆。

東亞運動會

在網上找到以下資料，作為對東亞動運會開幕的一些回應：

警方在涉及偷車案的車場內，發現本港著名賽車手蕭建清的 獎盃( 圖)。根據資料，蕭建清名揚港、澳賽車界，他曾在2003年第50屆澳門賽車中，於大雨中連奪包括東亞運動會盃等兩項賽事冠軍。

(雖然其實唔需要回應)

立法會直擊

http://www.rthk.org.hk/special/legcolive/media/20051026.asx
曾鈺成演講

必紅

Jennifer Anston(珍尼花安斯頓)，必紅。

觀乎其他荷里活頂尖靚佬的「前另一半」，都會紅。唔知係咪因為要努力擺脫「xxx個女朋友/老婆」的稱號，所以發奮圖強，定係因為之前一直甘於安逸享福(老公搵咁多又靚仔，樂做少奶)，未有全力將潛能發揮出來，到要靠自己的時候就一發不可收拾。你看看畢彼特在Jen之前個女朋友，Gwyneth Paltrow桂莉芙柏德露，手左手之後又狂拍好戲又拎埋影后，畢生恨都恨唔到。之前佢一直係「畢彼特個女朋友」。

當然仲有妮歌潔曼(Nicole Kidman)，同湯告老斯離左婚之後不單只靚左(好多好多)，又變得識做戲(好似冇拎影后？)，從此幾乎無人記得佢曾經同湯生結左十年婚。(定八年？)Penelope Cruz(彭妮露古絲)仲差d啦，不過佢都唔係同左湯生好耐。Demi Moore呢？喂Burce Wills都唔算靚佬。

珍尼花一直都紅架啦，做Friends人人都鐘意佢，有一年仲好似入左xxx權力榜，畢生連影都冇。不過你知，電視一直比電影低Grade少少，佢做的電影又暫時未有一齣好勁。所以，過冇耐睇下佢點樣一齣戲可以「More than Rachel」唔再做傻大姐，拎埋影后，就，真正係紅。

以上係睇完People關於珍尼花同佢「新男友」Vince Vaughn的報導後的感想。Vince Vaughn就係史密夫決戰史密妻裡面，做畢彼特個拍檔個個人，肥老丑殘。 Jen, dont take it serious呀!

獨食難肥

近兩年來，每次見到一d冇見幾個月的朋友，大部份對我講的第一句說話都係：「嘩你做乜瘦左(咁多)」。
我成日話如果我知，我一定會出書，介紹無痛減肥法，有成功例子如我，必賣。

其實，我知道點解。因為我寂寞。因為成日食飯都冇人陪，所以太煩唔想食，唔揀到自己好想食的話就唔食。而且食都食得唔開心。
以前住嶺南，因為同房幾乎冇返過房住，我過左大半年單人房生活。後來k住進來，Judy又成日黎食飯，伙食又好左好多，個陣時我都肥左一dd。後來讀城大，因為要返工，經常在來往的途中食午餐，非常麻煩，經常唔知食乜。
好多人話可樂同芝士蛋糕好肥，但係當一餐只係飲一罐，或者只食一件，就想肥都難。我成日都會肚餓，但肚餓又未必一定有野想食。
其實，對比街上一d好瘦好瘦的女仔，我都唔算係瘦得好恐怖。我只不係，唔想再肚餓。

前排在學校的email收到以下電郵，非常奇怪， 因為本身呢個電郵都已經好奇怪，真係估唔到在香港，有乜野人會用佢呢個服務。第二奇怪當然係因為我收到，聽者有意。第三奇怪係佢from的電郵竟然係cityu.edu.hk，但好明顯係錯架喎。

From: Rebecca@Lau.cityu.edu.hk
To: dont
標題: 增肥!

好多人話增肥容易減肥難~
都市人的西式飲食文化都趨向令人肥胖,但有幾多人知道對於一個食極都唔肥o既人黎講,'增肥'簡直係只能夠幻想而不能實踐的願望?!
有人一日食五餐,有人強迫自己餐餐大魚大肉,有人經常運動健身甚至配合增肌奶粉也生不出一點肉來,其實他們只想外型好看一點、自信多一點、體力好一點....但最終卻令人失望,但又不可不堅持下去。
試想想...如果一個人的吸收系統出現問題,吃什麼也不能吸收當中的營養,那豈不是白白浪費食物???
而運動就只能收緊線條及加速增肥的進度,但如果連生肉的運作也不行,又說什麼收緊和加速呢?!
白花金錢已不在話下,而每當看到街上擁有健碩身型的人就只有羨慕不已。
而我已經掌握到增肥的要訣了~ 成功案例多不勝數!
無論是由細瘦到大,食極都唔肥,或者天生體弱者,我都能一一解決!!!
如果你是當中的一份子,而又認真想增肥的話~
Email 你電話比我 fiteasy@yahoo.com.hk 或者打 (852) 92764313 Rebecca問清楚d啦 ^_^!
*值得與你身邊的朋友分享啊!~
(尤其是香港呢~ ^^ )

順利

今日個記招過程順利，冇蝦碌位，新同事將個記招安排得好好。
好似全部日報都有到，另外有三本週刊記者有到(唉，唔知東地會寫成點)。仲有，有好多好多不知名的網上傳媒，場面熱鬧。

太陽減價

買左幾日太陽之後，亞媽話始終都睇唔慣太陽，都係蘋果好睇d。貪小便宜者如佢，都係咁講，太陽都唔知點算。
講真，我唔想太陽摺架，到時搞Event又少一份報導，又少左星期三醫健寶庫的醫師稿，交少好多功課架嘛。
一仔話減價戰最大影響的將會是新報同成報。唔好呀唔好呀，呢兩份報紙同我地的關係最好，佢地都摺埋唔知仲會有咩稿可以出到呀!!!

(保佑聽日個Event順順利利，有好多記者出席。)

道德官員 ?/!

新上任的律政司長，ok，我知道他出身微寒，是天主教徒，關心露宿者，品學兼優，行內人人讚頌。作為一個新任官員，這一些資料其實都好夠。請勿再以狗仔隊式的資料搜集方法，再去找他的小學班主任談他在十歲時寫的字都好整齊之類的新聞。
(其實我驚唔知咩時候會發現他有婚外情，或者廿五歲時曾經一腳踏兩船之類。)

一個政府官員是否必須有非常高的道德水平，向來都是一個受爭議的題目。哲學時讀孔子定孟子都有討論過。反而現家讀呢科，好似冇乜。

哈哈哈....

去了番?的網頁後看到以下一個IQ test。為左要證明自己唔蠢，就用左半個鐘的時間，仲用左字典EV Dict幫手，先得出以下結論。唉，我對唔住Neven，我logic個A都唔知點拎返黎。

Your IQ Is 125

Your Logical Intelligence is Below Average Your Verbal Intelligence is Genius Your Mathematical Intelligence is Genius Your General Knowledge is Above Average

A Quick and Dirty IQ Test

成個test好似淨係得呢條係同logic有關:
"If Jody doesn't pay her ticket, she will go to jail." Which other statement must be true?
a. If Jody pays her ticket, she won't go to jail.
b. If Jody goes to jail, she didn't pay her ticket.
c. If Jody doesn't go to jail, she paid her ticket.

呢句野用logic符號寫出黎, 就係: ~A=>B
A=Jody pay ticket, B=go to jail
所以: ~B=>A
If Jody doesn't go to jail, she paid her ticket.所以C是正確的。
有錯嗎???????????

五個想做的Mission Impossible

1.每天晚上十時睡覺，早上八時正起身

2.上堂之前睇晒要讀的Reading，仲要印當日的notes出黎。

3.Take detail notes in the letures.

4.真係睇晒bililography寫出黎的所有文章。

5.肚餓的時候唔好揀飲擇食。

必勝客沙律相

http://www.boingboing.net/2004/12/10/salad_bar_hacking.html
相中的沙律相傳是國內同胞在必勝客的沙律吧中砌出來的高塔。

不必嘩然，我好像在香港看過更高的高塔，在現實生活中和電影之中。香港人的貪心和冇家教其實比國內真的沒有太大的不同。有的只是我們的歧視。數星期前好hit的新聞題目是迪士尼內的丑態，有同學拿著這份報紙和導修內的同學分享，當然分享完新聞後同學需要發表自己的意見，他說遊客必須改掉這些壞習慣，否則外國人對中國的形象會一日比一日差云云。

其中一項對遊客的指控是「赤足踏在草地上」。老實說如果一個金頭髮的遊客這樣做，你不會認為他是「不文明」，你會認為他自由自在。同班的外國交換生便問及這是否一個文化差異？因為他認為這樣做冇問題。
所以，情況是否真的如同學所說外國人對中國的形象會一日比一日差？仰或只是我們的優越心態一日比一日更高？

搵食姐

好像是從黃子華的冇炭用中聽過這句咒句：搵食姐。

例如無線編劇，每當我看到電視有不合理的情節，不知所謂的對白，或聽到我打冷震的倩話，我都會想起某個好像還在做編戲的朋友。知道她超時，通宵，趕稿等等工作辛勞，便自動為她以及所有編戲找到寫得不好的理由：他們只不過在按上司的主意辦事。即係：搵食姐。

又例如傳媒。記憶之中好像曾看過某blogger批評主流傳媒好像永遠不會深入了解blog的可行性以及到底blog是什麼。可是，有部份熱門的blogger本身也是傳媒人。不是真正的不知道或者不想寫得深入，只是因為這個題目不夠Mass，搵唔到食。
當然，即使「blog可以是什麼」這個題目，即使有其市場價值，也不是一個易寫的題目吧。使用了blog一段時間的人，似乎都仍然在要求大家「繼續討論」。

我認識的朋友和親戚之中，有不少對是被社會大眾批評的對象，例如地盤黑工和早十年的外地輸入勞工，而我亦認識因黑工問題而開工不足的人。雙方面其實都有太多身不由己，太多「搵食姐」的理由，不是以大公無私的理由，或各種各樣的Grand Navative便可以合理化，或者為自己找到一個完滿而沒有道德包袱的立場。

「搵食姐」的下一句是「犯法呀？」，也就是找到更權威的理由去為自己辯護(！這樣說似乎太過份。)。法律是否可以看做行為的標準？或只是社會妥協？我讀了一個學期，仍未能弄清楚。所以我得個B-。

Er....

我諗我係點都唔識貼圖。風間真的史力奇好好好好靚，可惜我唔識貼。

今日聽到最搞笑，亦都最驚嚇的消息，係下星期一要搞記招。上司都係星期六先知要搞，原本唔洗我地做，由另一間公司做，我地只負責睇戲。點知，唉。

睇日我要交一篇幾百字的文，星期五要傾present，好似唔知邊日仲要交論文的bililography。哈哈哈哈，但係點解我而家仲響到打blog?

金庸小說人物占卜

http://54niuniu.com/other/happy015.html
以你的出生日期和血型占出你是金庸小說中的哪一個人物。類似的占卜在其他地方也好似睇過，當然是得啖笑就算。

但係呢個占卜的結果，竟是係用倪匡在《我看金庸小說》中的人物榜中對各人物的描述，黎對你的結果作解釋！！！
好似我係溫青青(?!)佢個解釋就係咁:

你在金庸小?中是：?青青
袁承志比?家洛更差，竟有不知他在《碧血?》中有何作用之感，?管武功日高，但行事仍有?????。可以忍受?青青??的女人，真不知去到荒?之后怎么?日子，十分值得同情。?青青??的女人，?到了若不??便逃，一定大???。?人全是中下人物。

以低能的方法轉貼

Links

Link左人唔話俾人聽應該唔犯法架呵?
無論如何，我都link左，有事先算:p

這幾個星期一直在閱讀在旁邊的Blog--->
每個都好讀，都學到野喎。

BeiJu 週刊編輯工作日誌
有幾篇(以及評論)簡直是教你做人及返工道理！
(亦令我意識到：原來記者/編輯也是人，也有煩惱呀:P)
佢的倪匡奇遇記簡真是恨死我呀!!

話自己失業的哲學家
暫時在某大學有教席。每當我諗起佢可能係類似L大內的教員的人物，都忍唔住笑。

通寶日記
有小朋友的blogger

港話政評
作者應該唔鐘意人用呢個名黎講佢個blog掛？但好記喎！
佢的港話政評好睇，佢轉貼一d其他報紙雜誌的文章亦好睇。

瑮律無窮
又係編輯。以前由老師的網頁Link過去。

國金外望
金融時事分析文章。作者係方卓如。

大學怪談
一路睇一路笑一路自省。

Tungpo's diary 通寶日記

轉貼:
http://tungpo.blogspot.com/
甚麼「肥了地產，瘦了文化」，報紙佬寫此等東西時有否細心想想？地產商求財，但文化人也不是是吸風飲露輩啊！是以，變成「肥了文化，瘦了地產」，也不過是「益」了另一群人吧！

總有人喜歡把一些名詞如「民主」、「文化」、「藝術」、「思想」等視為崇高招牌，一舉起來世人就得謨拜。事實，世間一切事物都有價都需要價，清高與不清高，界線並不明顯。

BeiJu

BeiJu

Unemployed Philosopher: 抄文狂徒!!!

Unemployed Philosopher: 抄文狂徒!!!

勁野。

未睇，唔知好唔好睇

http://umovie.net/initial_t/

Over the Rainbow

Over the Rainbow
又係做功課時找到的好網。

Beyond Goethe: 文章050927

Beyond Goethe: 文章050927

I found this when i was doing my homework. Read that later.

名 牌 護 膚 品 開 倉

名 牌 護 膚 品 開 倉
日 期 ： 即 日 起 至 10 月 11 日
電 話 ： 2638 9888
地 址 ： 北 角 英 皇 道 420-426 號 新 都 城 百 貨 3 樓 全 層
時 間 ： 上 午 11 時 至 晚 上 9:30
付 款 方 法 ： 現 金 、 EPS 、 信 用 卡 （ 購 物 滿 $100 方 可 使 用 EPS 、 信 用 卡 ）

唉

太耐冇login一個hotmail的account，再登入之後佢竟然洗晒我之前的所有email！係所有！
所以冇左W同我通電郵的記錄，冇左T先生的所有電郵，冇左Ng的鼓勵電郵。
救命！

煩

話說去了灣仔一間公司表演，因它們的辦公室可以看到煙花，故今天有派對，我負責魔術表演。表演結束後，所有人都到了某些看得更好的房間看煙花，故我在落了妝之後便有機會在他們舉行大食會的地方看。我一邊看，一邊用手機拍下部份過程。
可惜當我回家把短片載入電腦，才知道手機短片的格式是*.3pg，電腦根本不能播放。故此我找花了很長的時間，希望有程式可把這個不知名檔案播放。我下載了數個網上的人說可行的程式，可惜沒有一個的真的可行的。最後我找到這個網頁：
http://www.mobile01.com/topicdetail.php?f=121&t=37009&p=1&PHPSESSID=36d156e25839f819395ad618bc28ed67
一看便覺得太複雜，結果放棄了。

天理不容?

一直不明白，今期東方新地的封面，為什麼不像當年的東週刊那樣，得到「天理不容」的批評?
女主角的姿勢和上次幾乎一模一樣，但相片比上次更清晰，更恐怖。
是因為香港人(娛樂界、傳媒以及普遍市民)對這個女星沒有同情?(可憐!)仰或是香港人對這種事已經麻木?(是否更可憐??)
我一直沒有買，亦沒有看這期。坦白說我想看，但看時難免會有罪究感。
畢竟名義上我算是做過公關，當然明白這些相片有可能是由當時人提供，以提高自己人氣。(這只是想當然，我沒有看，當然不知道)。如是真的，gosh, what a horrible city!

姣爆Blog

又揀左個新的範本做blog個樣。一個字：姣爆。足以為笑唔出的人帶來一點點笑容。

上個星期唔之點解過左海, 夜晚特然見到楝中銀大廈上面d燈好似發左癲咁閃, 跟住隔離個楝匯豐又係咁。我一心以為係外牆d燈應該中左電腦病毒。跟住諗下，先知應該係「幻彩詠香江」。
我見識淺薄，都係第一次見識好似發左癲的旅遊節目。

My So-called Life

My So-called Life

Link這個網頁只因它的名字。可能網主是這齣戲的Fans，可能不，但我看見卻會尖叫。

當時我中二，深夜看完NYPD Blue之後看它（我看重播），從此我著重英語會話和聽力（當然更因為Brad Pitt），一日比一日進步。（進步得好慢雖然）

那些片段我仍記在心，哪些成長的問題似乎每國家的青少年都有，但至少它的選角好，男主角Jared Leto靚到！比同類型的澳洲片looking for Alibrandi好得太多太多。

苦了華叔

一眾民主派的議員， 包括長毛，李柱銘和李卓人都取得一次過的回鄉証回廣州，可憐華叔，等了許多許多年，卻因為這一屆不再參選，只能望著其他人回國。在我心目中，他可是最愛國，最希望回鄉呢。

忽發奇想，如果曾先生真的有機會安排華叔回鄉，他能以什麼身份回去呢？「前立法會議員」？仰或是他現在身上最勁的公職：「支聯會主席」？

手機相

如果我識放相上blog, 一定會將近日的相都放上黎。

天氣

明明熱到有三十幾度(某泳池更錄得38度高溫!), 身處城大的我係覺得非常非常凍!過份!

但係, 我仲響街到見到好多好多學生妹著件冷衫, 有d更加係長袖添, 真係我見到都熱。我今日著小背芯都覺得熱, 天呀!!!
我個妹話解釋: 因為課室冷氣凍丫嘛!
大佬, 你課室個幾部窗口式冷氣, 點都唔夠大學或者商場的中央冷氣啦, 係嘛?? 點有凍得咁誇張呀?
真係唔明, 咁樣可以真係令到人睇唔到你發育咩? 本身件校服已經完全冇cutting, 點樣睇得到呀? 件校服透未著底裙law, 乜鬼都睇唔到啦!

但願一眾小妹妹去除惡習, 無謂令路人流下不必要汗水。

小結

電腦終於整返好, 可以上網。
中秋過後, 又是另一輪的繁忙。

若有所失

近來回城大，發覺少了學生化妝和帶LV袋回校。

靚到死

上星期五有幸第一次睇「妙手仁心」（係咪呢個名？），我想講：

吳美行向林保宜講出自己有病的時候著個件粉藍色乾濕褸係真好好好好好好好鬼死靚。

辛苦

又係一個月一次的痛痛痛同埋痛。
返工的時候都仲未有野，係到返學的時候，半場休息後就痛到聽唔到書。我都捱左好耐好耐先走，都去到亞老師講到最後總結我先走。但係都係突然離開。唉。
跟住我就去左廁所到嘔，雖然嘔唔出，都舒服左。之後就行到去有梳化的地方訓，係打劃訓咁訓。直至有個保安走過黎叫醒我：「小姐，呢到係唔可以咁訓架」，先醒。迷糊之間好似聽到人講「嘩訓到咁樣」。

之後我因為覺得辛苦得滯，搭的士返左屋企。係搭的士！返到屋企就訓，訓到七點幾。

都幾準生日密碼

http://www.coolboo.com/big5/love/

我發現如果你覺得一篇「生日密碼」或者「星座分析」之類的野係準的話，通常都係首先讚到你天上有地下無。咁你先至容易接受架嘛。

好，等我剪一d讚我讚得冇咁勁的，但又準到嘔的貼出黎先：
不過，這天出生的人天賦愈高，性格就愈古怪﹔
他們行事通常不太考慮后果，而且又不擅長交際，雖然研究人類習性是他們最鐘情的課題，但并不代表他們是屬于社會化的一群。
這天出生的人似乎是那種寬以律己，嚴以待人的人
因為精神壓力大，再加上責任過重，6月8日出生的人可能會有各種神經系統的毛病，諸如最常見的頭痛、肌肉緊繃以及焦慮症等等。

返學

都開左咁多年學，大概都冇乜興奮同迷茫。尤其是當在同一間學校的時候。雖然點都有小小迷路。
但我諗我今日一定係痴左線。不過諗住第一日開學，俾個差人印象人唔好丫嘛。

尋日去左剪頭髮，剪完之後覺得ok，但之後點都gel唔到好似完先咁，一日比一日7。雖然都只不過係兩日。
我都唔係好明，點解剪左咁多年頭髮都冇個人係相熟的。

電視汁

今朝睇David Letterman，佢介紹有隊Band出新碟，所以邀請左上黎唱首歌。本來我平時就一定轉台，因為通常我都唔識，唔會睇。但係今日望左一眼之後，竟然發現個主音係Jared Leto！嘩！！！
真係忍唔住諗返起My so-called life的劇情添。乜佢原來唱歌都真係幾叻。
記得有次響網上見到The eels都有上去唱過我最鐘意的歌！

失去

每天都害怕失去，但又不懂得如何可以力挽狂瀾。是不懂得，亦是身不由己。
伴隨而來的是內疚以及疏離。

燃燒青春

現在的生活用這四個字形容最適合不過，每天無論體力和精神上有多疲累，仍然會繼續出街玩、去見人、HEA，真正的睡眠時間很少很少。
我知道我的身體會變差，但我不得不仍然覺得自己的身體情況很好很好，例如淋雨之後入冷氣+大量體力勞動之後竟然冇病，太陽毒晒後沒有中暑。我其實知道當時大師姐的占卜很準很準，所以一年內我會死。
所以都係加重d保險好d。

體息

到底是因為喜歡一個人, 才會喜歡他的味道, 仰或是因為喜歡他的味道, 才會喜歡他呢?

很小的時候我討厭吃榴槤, 它的味道是如屎一樣的。過幾年之後再聞, 它香了, 整個味道也不同了。我開始極喜歡吃榴槤。

塔羅日記

尋日好似抽到Passage的逆位。今日唔記得抽。

前兩日改左個Setting, 我覺得勁靚。

塔羅日記

今日抽到 星組皇后牌 大地之母Erda 的逆位
今日應該會好唔productive
相信都係, 都成十點我仲係到打日記。

今期金句

「話你傻唔係真係話你傻呀，傻ｏ既！」

好過冇野寫之 - 塔羅日記

今天抽到：星星　（R）
唉，日日都抽到逆位牌。
星星呢隻牌係大牌之中我最唔識解的。老師說這是代表高塔倒下之後，世界所現的真正平衡。又因為它的對應牌是４女皇，所以這張牌是否代表著精神及靈性上的豐盛？
倒轉過來，就是精神方面上的失衡或缺乏？？
逆位牌又可解作前一張牌的未完成。前一張牌是高塔，即是有一個假的權威未倒下，令世界出現假的而不長久的平衡。

好過冇野寫之-塔羅日記

每天抽牌的方法：
早上醒來便抽，當然首先要做一般的儀式。

今天抽到的牌：
戰車(R)
這張牌象徵著事業的最高峰，但同時亦暗示著將會衰落。反轉過來，可能代表今天我會遇上事業的錯敗，但也是「明降暗升」。
這張牌亦同時象徵著理性的運用（馬伕帶著黑馬和白馬），反過來是否表示著今天將會著重感性的運用？

好過冇野寫之－塔羅日記

又係唔記得抽牌law

好過冇野寫之－塔羅日記

擦牙的時候仲記得要抽張牌，但到最後都唔記得

所以今日冇塔羅日記

又係精神年齡鑑定

鑑定結果
您的精神年齡34歲
與您實際年齡差13歲
幼稚度52％
成熟度29％
老化度61％

又係咁樣。我老化度真係好高。

嘩做乜個setting變成咁??

有冇人識得搞番好佢?

反省

要陪多d屋企人！

充實．繁忙．累到我丫！

過左去的星期六：
早上九點三去到倉，跟車去中環太子大廈幫手Set 氣球拱門
下午十二點到六點，小丑扭波　（六個鐘呀大佬）
搭地鐵去東涌，再去機場富豪，途中以可樂充飢到東涌，拮左串魚蛋同一條「台式」熱狗，換小丑衫幫人頂住個紙ｘ土攤位
八點幾先開始Set野，夾音響
八點半，以魔術師形象（即係小丑唔化小丑?）表演魔術。
九點表演完，收拾，走人搭免費穿梭巴士返東涌，同個司機係咁吹水
返到屋企好似仲有玩電腦，玩到唔知幾點

星期日
早上十點半起身，玩左半個鐘電腦，換衫去太子大廈
途中完全冇胃口食任何野，仍以可樂充肌－飽到丫！
早左好多去到，就行萬寧，買左百幾蚊野（！），因為用八通俾錢，就有兩張免費戲票。係響十點半之前用的。
換衫化?，同ｄSales 吹水
二點到六點，小丑扭波
六點幾走人去左灣仔，同亞K行青文，最後佢地走左我同老闆吹左陣水，買左兩本書。（佢成日都只係得二十幾蚊生意．．．）
七點半食Tam魚頭，食到八點幾。
去書展！！
一去就去明窗數特價書, 買左好似三四本, 都好似只不過係四十蚊。我最鐘意明窗！
跟住好似去左買舊雜誌，買左好多，全部都係五蚊十蚊本，買返公司做reference。
然後當然係去佛教地方啦，拎左張外星佛的圖俾呀媽
跟住好似仲去埋勤＋緣，冇買倪匡新書喎。其實我最想買係佢ｄ舊書law!!!
嘩，買左咁多書都好似只不過係用左一百蚊
但係拎到死左，好彩有一段路有人幫我令（雖然佢好似拎得辛苦過我:P）
好彩我的體能都算ok，拎到返屋企都未死haha
之後好似仲有玩電腦，痴線!!

Aiya

Start the day with bad mood tim.

捉我如果你可以

點算呢, 我每一次都唔知應該點樣發佈我最新的設定喎

日記，係用黎日記架

可能真係要寫多ｄ先得

不過我連去Camp的事件都未寫晒喎。

犀利標題

你遇過神醫嗎？


這是我在青衣看到的一個劃額上的標語，希望人舉報祈福黨。

愉快的朋友聚會

過去三天都有朋友愉會, 也是愉快和瘋狂的。

星期五夜晚和義工組朋友吃晚飯，到沙田王家沙吃上海菜，出奇地有十一人出席，而且負責聯絡的是一個很久沒有出現的組員。其他所有人都不知道為什麼會突然組織聚會，我最初以為發起人轉行做保險或傳銷呢：Ｐ
全晚都充滿笑話和笑聲，包括燒蘋果，曹美女及買魚肥佬陳志靚，亦有成個月冇笑過的亞甘。我們相約八月二十一日去海灘，九月初上船。

星期六日去長洲宿營，東堤。打牌，鋤dee，玩Uno是指定動作，然後便是陽光與海灘時間。星期六陽光不是太多，很好，原以為會下雨呢。原本不會下水的菜進添先生，因我放了一堆濕沙進他的褲內，因而要下水。買了沙灘波才知道不可以在沙灘玩沙灘波。於是走到求生員不到的地方玩"排球"，被一隻白色狗公襲擊，我有一條傷痕在大腳，我們所有的物件亦差點兒被它認為是方便的好地方．．．．
我看著浮台覺得很近 ，可是當我和曲奇和元元游出去的時候，我卻到了一半便沒有力氣，要他們陪我回岸 >_< 後來元元一個人游了出去，曲奇卻沒有。
影了很多相，不知道會不會收到，你知道．．．．．
晚上在天台燒烤，以及吹水。我吃了很少，可能覺得熱氣，很快便沒有吃的意慾。然後打牌，勁輸，只贏過一次，得三番，仲要勁出沖。樓上仲有燒烤，據說Henry變成了都市閒情主持人，勁講勁講....
到十二點幾一點，就出去食糖水，返黎之後就勁悶，電視又冇野做，仲差ｄ訓左。其間瑛燕特然唔見左，好擔心，又打唔到電話俾佢，原來係起附近傾電話。佢返黎之後就開始塔羅占卜，竟然有人話我準！
勁悶，就開始有人話玩Uno，仲要拉左原本已經好眼訓的番"木見"一齊玩。原來番"木見"之前一直都唔係好識玩Uno！！玩左一陣，就有人覺得悶悶地，都係計分刺激ｄ，所以就計分。仲話如果輸的人要請其他人飲野。番”木見”當時都話好架。
咁當然番木見係輸得好徹底啦，第一盤就輸左百幾分，然後都係有輪冇嬴，次次都輸多過二十分。卒之有一次輸少過二十分，我地本來話想唔玩，但佢因為輪緊，就話想再玩落去。我地比次機會佢番身，就俾佢洗牌同派牌，佢一拎上手就全部都係數字牌，就覺得好開心啦。
點知一開始元元出錯牌，罰左五隻，再出的時候就一出出左２隻Draw Four，然後泥鰍就出左佢揀個隻色的draw two，點知我地全部都有draw two，一直傳到番木見，佢一共要罰二十隻牌！！
然後當然係佢輸，一次過輸左二百幾分！　因為佢始終唔係好識玩，有好多draw four同變色牌都唔識用．．．
然後我地就諗叫佢請飲咩好。點知俾張樂勤諗到，不如請飲茶！：ｐ
所以玩完我地就叫晒所有人起身去飲茶，番木見負責俾一百蚊。真係點都估唔到，玩Uno都要輸一百蚊。

飲完茶已經七點幾，去左訓覺，訓到十一點幾，執完野就離開東堤。諗住起長洲食埋午餐先走，就走左去食海鮮餐！每人只不過係四十一蚊！雖然唔係好名貴的海鮮，但都好食同抵食喎。最奇怪就係，我地問左個伙記飲品幾多錢，佢就答：七蚊一罐，不過你地可以響第二度買返黎飲！

食完飯就走，出左中環之後仲有人問有冇下場，膽粗粗話不如去唱K，點知真係有人話想去！（其實我都好眼訓呀．．）後來因為代表出去唱K 的人猜輸左，最後都冇去到。
我返到屋企仲有得睇 American's Next Top Model添！

學生作rap歌上網唱衰學校

學生作rap歌上網唱衰學校

瑮律無窮: 香港人，香港生活

瑮律無窮: 香港人，香港生活

詞一首

三千年事殘鴉外，無言倦憑秋樹。逝水移川，高陵變谷，那識當時神禹。幽雲怪雨，翠萍溼空梁，夜深飛去，雁起青天，數行書似舊藏處。 寂寥西窗久坐，故人慳會遇，同翦燈語。積蘚殘碑，零圭斷璧，重拂人間塵土。霜紅罷舞。漫山色青青，霧朝煙暮。岸鎖春船，畫旗喧賽鼓。

Re: Abandon of xanga

In fact i don't want to use blog. but i am forced to use it by someone.