《男與女》與《唐朝豪放女》

呢兩套戲都係屬於好想睇 + 但係唔捨得買碟 + 唔知邊到有得買的戲。但最重要的共通點，都係竟然響上星期期同3個星期前的星期日，響無線播 - 但係我竟然太眼訓冇睇到呀！！！

當然佢地仲有好多共通點 - 邵氏 (唔係點會響無線播)，好激，同埋女主角都好索。

<唐朝豪放女>人所共知，夏汶夕的代表作，基本上我由知道有夏汶夕呢個人開始就想睇 - 頂但係未睇過。夏汶夕從來唔係一姐，可能當年實在太多其他女星，但夏汶夕的氣質，真的前無古人，亦未見來者，直至她早幾年演「新龍門客棧」，雖年華已去，仍令我迷戀。

<男與女>現時少人談論(竟然)，卡士之強，內容之激，不應如此(香港電影，傳承從來做得很差，前不談黑白片，中只知新浪潮中的三兩個，然後一大堆人只罵港產片係垃圾)。此戲由鍾楚紅、萬梓良、關海山主演，主題係偷渡來港新移來香港(英文片名為hong kong, hong kong)，戲內一場「鍾楚紅肉搏關海山」最受注目 - 頂真係好想睇law!!!

我對此戲的認識來自這裡：4月鉅獻(08) - 男與女