識出世

如果俾我揀，我寧願做畢彼特同安祖蓮娜的女，都唔做李嘉誠個仔。一出世就做左幾千萬善事，你都咪話。

收到的生日禮物

細妹送的紫菜：好正！(我係極喜歡食紫菜的，送一箱過我都唔怕)佢早左兩日送俾我，我幾驚自己未過生日就食晒：好彩冇。


子薇送的Patrick Cox電話繩，同我部電話超襯。


男朋友送的Singing in the rain，我恨左好耐睇，一直都未睇。睇完之後覺得比想像中好睇，Gene Kelly(係咪咁串？)的舞超勁。


呀!!!!!!係我恨左好耐的Daisies of the Galaxy呀!!!而家集碟變到好貴(雖然男友唔肯講幾多$)，開心得好緊要呀，我終於可以成日聽到Flywatter啦!(其他歌都好聽架)

仲有男友送的brikenstock涼鞋，未影，冇貼上黎。
仲有樓下的生日蛋，係細路送的。

貼圖

到底點樣貼圖呢？

打呢篇野的地方有一個按鈕「加入圖片」，我入到去，又試過上載圖片，又試過打入圖片的網址，佢話成功左，但係冇野顯示到出黎喎！究竟係點貼圖呢？？？

六月十五日按：
用左Xanga做試驗，原來貼圖係需要以下咒語：
img src="http://www.geocities.com/bratricecheung/gift1.jpg"

前後加<>

(其實, 我覺得自己學識左貼圖係超勁law)

生日

六月三日，中六中七同學聚會，子薇為我準備了左蛋糕，然後全部人一齊唱生日歌(呀!!!好lager than life呀!)

我手頭上只有同子薇的合照

六月七日

本來想同家人及男友到蔡瀾美食坊食金鳳，但竟然已經結業！換來的一間似乎麻麻，所以去左食王家沙，食次點得幾好，好好食！(但冇相喎)然後一齊唱生日歌，我吹蠟燭時隔離檯的小朋友望住我地，我懷疑佢地想吹蠟燭 :p 最後因為食唔晒，所以將剩左的蛋糕俾左佢地食。


六月八日
因為同男朋友講緊電話，所以佢係第一個同我講生日快樂的人。然後，響十二點半，我就收同子薇的電話呀!!

夜晚同男朋友一齊，佢送左好多野俾我(:P)，然後一六食好味得好緊要的譚魚頭，叫左四碟，四碟都辣!連碟雞絲粉皮都辣，雖然食到有小小肚痛，但係真係好好好好正！